Марьяна Алботова. «Анам»

Текст песни

Ата деген Минги Таугъа миннгенлей,
Ана деген дарий, дамха кийгенлей,
Кюнюм батды бетин мыдах кёргенлей,
Ай, Джулдуз атлы, балдан татлы, ой Анам!

Ата деген накъут-налмаз къалады,
Ана деген джанынга джан салады,
Ол джашауну бир насыблы табады,
Ай, Джулдуз атлы, балдан татлы, ой Анам!

Эки джылны акъ сютюнгю ичирдинг,
Ёшюнюнгю тёшек этиб ёсдюрдюнг,
Алай эте, талай джылгъа джетдирдинг,
Ай, Джулдуз атлы, балдан татлы, ой Анам!

Бешигимде тебретеенг сен мени,
Къулагъымда зынгырлары зынгырдай,
Къууанч болуб, ары-бери чайкъалыб,
Ай, Белляу айтсанг, белляуунга тынгылай.

Отха иймей, суугъа иймей сакъладынг,
Юй кёгюрчюн къанатларын джабханча,
Белляуунгда сени алгъыш сёзлеринг,
Ай, Джангкъылычдан нюр таякъла къакъгъанча.

Адамладан орта бойлу, алаша,
Хар адамгъа сени халинг джараша.
Ашха-суугъа чомартлыгъынг тамаша,
Ай, Джулдуз атлы, балдан татлы, ой Анам!