Медина Элиязова. «Кобан сув»

Текст песни

Аьрусинме Кобан сув
Тамырыма сенген сув
Аякларым толкынларынъ ялайды
Ата-бабам ишкен сув, ак булыттан тоьскен сув
Сен акында яс юрегим йырлайды.
⠀
Ассыгасын агасын, кайсы якка барасын
Яслыгымдай шабасын Кобан сув
узакларга кетсем де яде кайтып келсем де
Яным сени излейди Кобан сув.
⠀
Аьрусинме Кобан сув, юрегимге конган сув
Ногайымнынъ берекети сен болдын
Атларымыз ишкен сув, малларымыз коьшкен сув
Ногайымнынъ алал сувы сен болдынъ.
⠀
Коьп оьмирди бир оттик
Ер бавырын бир оьптик
ак кув конып уялаган Кобан сув
Сербет сув деп сапырдык ак Кобан деп айттырдык
Ногайымга юрт таптырган Кобан сув.