Таулан Батчаев. «Къарачай шахар»

Текст песни

Мен айтайым шахарыма кёлюме келгенни.
Деу халкъыма сени джазыу буюруб бергенди.
Тёрт джанынгда ёрге тутуб къаяла башларын
Тау къойнунда гокка ханслай джашнадынг, шахарым!
⠀
Припев:
Терк сууларынг ана къоллача сени къучакълай,
Кёк сыртланы салкъын аяз сюйюнюб ийнакълай,
Сау дуниягъа ёмюрлеге айтылсын хапарынг,
Кенг джуртума чырай салгъан, Къарачай шахарым!
⠀
Кёб джерледен сени кюсеб къонакъла келирле,
Джашаунгда джуртубузну къууатын кёрюрле.
Тау ёзенде сени эслеб, сюйюмлю шахарым,
Сейирсиниб ёрге атар Минги Тау къашларын.
⠀
Припев.
⠀
Барды сени адеб этген огъурлу ышанынг,
Хар къонакъха эте билесе тенглик ышаныб.
Тау эллеге урунууда махтаулу тамада —
Быллай юлгю алгъыш болуб, айтылад таулада.
⠀
Припев.